ඇමරිකානු ඩොලර් ඔන්ලයින් ගෙවීම් (US Dollar Online)

මූල්‍ය ආයතන ක්ෂ්‍රේත්‍රය තුළ මෙහෙයුම් සියුම්ව ගලායාමට කාර්යක්ෂම ගෙවීම් යාන්ත්‍රණයක අවශ්‍යතාව වෙනුවෙන් LankaPay ආයතනය ඇමරිකානු ඩොලර් ඔන්ලයින් ගෙවීම් පද්ධතිය හදුන්වා දෙන ලදී. මෙම නව්‍යකරණ ගෙවීම් පද්ධතියමගින් ඔබගේ බැංකුව හරහා අන්තර් බැංකු ඇමෙරිකානු ඩොලර් ගෙවීම් බාධාවකින් තොරව කිරීමට ඔබට හැකියාව ලබා දේ.

මෙම ක්‍රමය හඳුන්වා දීමට පෙර, සියලු දේශීය ඇමරිකානු ඩොලර් හුවමාරු කිරීම් ඇමරිකාවේ අනුරූප බැංකු හරහා NOSTRO ගිණුම් මඟින් සිදුකරන ලදී. නමුත්, මෙම ක්‍රියාවලියට වැයවන කාලය සහ පිරිවැය නිසා, දේශීයව ඇමරිකානු ඩොලර් මාරු කිරීමට විශ්වාසනීය, කාර්යක්ෂම සහ ලාභදායී ක්‍රමයක් අවශ්‍ය විය.

දැන්, ඇමරිකානු ඩොලර් ඔන්ලයින් ගෙවීම් (US Dollar Online) පද්ධතිය සමඟ, මූල්‍ය ආයතනවලට දේශීයව ඇමරිකානු ඩොලර් මාරු කිරීම් බාධාවකින් තොරව පහසුවෙන් සිදු කළ හැකිය. ශ්‍රී ලංකාවේ ක්‍රියාත්මක වන සියලු බලපත්‍රලාභී වාණිජ බැංකු (LCB) සහ මූල්‍ය ආයතනවලට මෙම ක්‍රමයට සහභාගී වීමට හැකියාව ඇත.

මෙම පද්ධතිය මඟින් ඇමරිකානු ඩොලර් අණකර හා චෙක්පත් වැනි සාම්ප්‍රදායික ක්‍රම සඳහා පහසු විසඳුම් ලබාදෙයි. මූල්‍ය ආයතනවලට ඔවුන්ගේ ගෙවීම් ක්‍රියාවලීන් ප්‍රශස්ත කිරීම සඳහා නවීන හා කාර්යක්ෂම විසඳුමක් සපයයි.

මූල්‍ය ආයතන සඳහා ඇති වාසි

NOSTRO ගිණුම් හරහා සෑම ගනුදෙනුවක්ම සිදු නොවන නිසා අඩු ගනුදෙනු ගාස්තු හදුන්වා දී ඇත.

දේශීය බැංකු අතර ඔබේ ඩොලර් ගනුදෙනු ආරක්ෂිත වේ.

ශ්‍රී ලංකාවෙන් පිටතට ගලායන විදේශ විනිමය අවම කිරීමට සහය වීම.

එක් දිනක් තුල ලබන්නාගේ ගිණුමට මුදල් ලැබීම.

අඩු වටිනාකමක් සහිත වාණිජ ගනුදෙනු සඳහා වැඩි කාර්යක්ෂමතාවයක් ඇති කිරීම.

බැංකුවල පරිපාලන වියදම් අඩු කරගත හැකි වීම.

නිෂ්කාශන කාලසීමාවන්

අපි පහත කාල පරාසයන් තුළ ඇමරිකානු ඩොලර් ඔන්ලයින් ගෙවීම් (US Dollar Online) පද්ධතියේ නිෂ්කාෂණය මෙහෙයුම් සිදු කරන්නෙමු.

පළමු සැසිය (Session 01) - (දත්ත ඉදිරිපත් කිරීමේ කඩඉම් වේලාව - ප.ව. 3.00 සිට 6.00 දක්වා) ඉදිරි දාතම අගයන් සහිත ගනුදෙනු වලට අදාල දත්ත පමණක් පද්ධතිය මගින් පිළිගනු ලබයි. (T+1 to T+2 Transactions )

දෙවන සැසිය (Session 02) (දත්ත ඉදිරිපත් කිරීමේ කඩඉම් වේලාව - පෙ.ව. 9.00. ප.ව. 1.00.) එම වියාපාරික දිනට අදාල ගනුදෙනුවල දත්ත සහ ඉදිරි දාතම ගනුදෙනු වලට අදාල දත්ත ( T+0 to T+2 Transactions ) පද්ධතිය මගින් පිළිගනු ලබයි.

සංඛ්‍යාලේඛන

වර්ෂය	කාර්තුව	ගනුදෙනු පරිමාණය (‘000’)	ගනුදෙනු වටිනාකම (‘USD’)
2024	Q1	8.5	මිලියන155
	Q2	8.7	මිලියන182
	Q3	10.8	මිලියන136

නවතම සහ යාවත්කාලීන තොරතුරු ලබා ගැනීමට අපව සබ්ස්ක්‍රයිබ් කරන්න.

නවතම ප්‍රවණතා, රෙගුලාසි සහ නිෂ්පාදන විස්තර සෘජුවම ඔබගේ විද්‍යුත් තැපෑල වෙත ගෙන්වා ගන්න LankaPay Newsletter වෙත ලියාපදිංචි වන්න.

LankaPay මෙරට මූල්‍ය අංශය සඳහා ගෙවීම් යටිතල පහසුකම් සපයන ශ්‍රී ලංකාවේ ජාතික ගෙවීම් ජාලයයි. ව්‍යාපාර සහ පුද්ගලයින් සවිබල ගැන්වීමේ අරමුණ සහිතව හඳුන්වා දුන් සැමට පහසුවෙන් පිවිසිය හැකි, වේගවත්, පහසු සහ ආරක්ෂිත ගෙවීම් ක්‍රමයකි.

මුල් පිටුව

LankaPay ඔබ වෙනුවෙන්

LankaPay ව්‍යාපාර වෙනුවෙන්

LankaPay මූල්‍ය අංශය වෙනුවෙන්

නවතම පුවත් සහ සිදුවීම්

බ්ලොග්

අප ගැන

අපගේ අධ්‍යක්ෂක මණ්ඩලය

අපගේ නායකත්වය

අපගේ කළමනාකාරීත්වය

දේශසීමා වලින් ඔබ්බට අපේ ගමන් මග

අපගේ ආයතනික වටපිටාව