"සෑම දිනක්ම අලුත් ඉගෙනුම් අවස්ථාවන්ගෙන් පිරී ඇති අතර, මෙහි වැඩ කිරීම මගේ හැකියාවන් හඳුනා ගැනීමට මා හට අවස්ථාවක් ලබා දී තිබෙනවා. අපගේ හැකියාවන් පිළිබඳව අප තුළ විශ්වාසයක් පවතිනවා."

"LankaPay පවුලේ සාමාජිකයෙකු වීම ගැන ආඩම්බරයි."

දිනේෂ් කුමාර

ජ්‍යෙෂ්ඨ පද්ධති පරිපාලක

"පද්ධති පරිපාලකයෙකු ලෙස 2005 වසරේ දී LankaPay සමඟ සම්බන්ධ වූ මම, මේ වනවිට සමාගමේ ජ්‍යෙෂ්ඨ කළමනාකාර තනතුරක් දක්වා ලබා ගෙන ඇති ප්‍රගතිය ගැන ආඩම්බර වෙමි.

මගේ සේවා කාලය පුරාවට, CITS, SLIPS, සහ CCAPS යන පද්ධති ක්‍රියාත්මක කිරීම සහ වැඩිදියුණු කිරීම වැනි විවිධ ප්‍රධාන ව්‍යාපෘති සඳහා ක්‍රියාකාරීව සම්බන්ධ වීමට අවස්ථාව ලැබුණි. LankaPay මට පුද්ගලිකව සහ වෘත්තීයමය වශයෙන් වර්ධනය වීමට සුදුසු පරිසරයක් ලබා දී ඇති අතර, මෙය නවෝත්පාදන, සහයෝගීතාව, සහ අඛණ්ඩ ඉගෙනීම සඳහා විශිෂ්ට ස්ථානයක් බවට පත්වී තිබේ. මා ලබා ගත් අවස්ථා සහ අත්දැකීම් සඳහා මාගේ කෘතඥතාවය ප්‍රකාශ කරන අතර, LankaPay හි සාර්ථකත්වය සඳහා තවදුරටත් දායක වීමට බලාපොරොත්තු වෙමි."

ඩිලාන් විමලරත්න

ජ්‍යෙෂ්ඨ කළමනාකාර මෙහෙයුම් - ඉලෙක්ට්‍රොනික ගෙවීම් පද්ධති

"මෙම සංවිධානයේ කණ්ඩායම් සාමාජිකයෙකු ලෙස, සුවිශේෂී ජාතික මට්ටමේ මුල පිරීම් රැසකට සම්බන්ධ වීමේ වරප්‍රසාදය මට හිමි වීම ගැන මට සතුටුයි. සමාගම මට ලබා දුන් අවස්ථා සහ මා කෙරෙහි තැබූ විශ්වාසය පිළිබඳව මම කෘතඥ වෙමි. අපගේ සාමාජිකයින් පමණක් නොව, සමස්ත ජාතියම අගය කරන ආයතනයක කොටස්කරුවෙකු වීම ගැන මට විශාල ආඩම්බරයක් දැනේ."

උපුල් අත්තනායක

කළමනාකරු - ගෝලීය මෙහෙයුම්

"LankaPay සමඟ සම්බන්ධ වීමට පෙර මා ආයතන කිහිපයක සේවය කර තිබුණත්, මෙවැනි සුවිශේෂී ආයතනයක සේවය ආරම්භ කිරීම මා හට අපූරු අත්දැකීමක් වුණා. ඔවුන් මට ලබා දුන් උණුසුම් පිළිගැනීම විශේෂයෙන්ම අගය කළ යුතුයි. ආයතනයේ සාර්ථකත්වයට දායක වන ගමන් මගේ පුද්ගලික ජයග්‍රණයන් කරා යාමට මෙම ආයතනික වටපිටාව මා දිරිගන්වනවා."

ලොරේටා තිළිණි

විධායක නිලධාරිනී - බාහිර සේවා අංශය