LankaPay Official Website | Enabling a digital lifestyle

ඍජු හර ගෙවීම් (Direct Debit)

ඔබේ පාරිභෝගිකයන්ගේ ගෙවීමට අතපසු වූ අයකිරීම් පසුපස හඹා ගොස් ඔබ වෙහෙසට පත් වෙලාද? ඍජු හර ගෙවීම් (Direct Debit) සේවාව මගින් ඔබේ අයකිරීම් බාධාවකින් තොරව නිසි පරිදි ලබා ගැනීමට දැන් ඔබටත් පුළුවන්.

ඔබගේ පාරිභෝගිකයන් ඔවුන්ගේ බැංකුව සමඟ Direct Debit සේවාව සඳහා අවසර ලබා දීමේ ක්‍රියාවලිය සම්පූර්ණ කිරීමෙන්, ඔබට ව්‍යාපාරික අයකිරීම් වෙහෙසකින් තොරව, ස්වයංක්‍රීය ලෙස ලබා ගැනීමට හැකි වේ. එමඟින් නියමිත කාල පරාසයක සිදුවන ගෙවීම්, රක්ෂණ වාරික, විදුලි සහ ජල බිල්පත් වැනි උපයෝගිතා ගෙවීම් ඇතුළු ඕනෑම අයකිරීමක් පෞද්ගලිකව මැදිහත්වීමකින් තොරව සිදු කර ගත හැකිය.

ඍජු හර ගෙවීම් (Direct Debit) සේවාව සක්‍රීය කර ඇති බැංකු සමග එක් වී ඔබගේ ව්‍යාපාරික අයකිරීම් ඉතා පහසුවෙන් කළමනාකරණය කරගත හැකිය. උපරිමය රුපියල් 50ක් පමණ වන අඩු පාරිභෝගික ගාස්තුවක් සමඟ, ඔබේ ව්‍යාපාරය වෙනුවෙන් මෙම පහසුව විශ්වාසයෙන් භාවිතා කිරීමට හැකි වේ.

ව්‍යාපාර වෙනුවෙන් ඇති වාසි

මුදල් සංසරණයේ ඉහළ යෑම - ඍජු හර ගෙවීම් (Direct Debit) මගින් අදාළ දිනයේදී පාරිභෝගිකයන්ගේ ගිණුම්වලින් ස්වයංක්‍රීයව මුදල් බැර කරගනිමින් බාධාවකින් තොරව ඔබේ මුදල් ඔබ අතට පත් වෙනු ඇත.

ඔබේ වෙහෙස අවම කරයි - මෙම ක්‍රමය මගින්, තව දුරටත් ඔබට අයවිය යුතු මුදල් සම්බන්ධයෙන් පෞද්ගලිකව වෙහෙස වී සොයා යෑම අනවශ්‍ය නිසා, ව්‍යාපාරය සහ එහි දියුණුව වෙනුවෙන් වැඩි කාලයක් යෙදවීමට හැකියාව ලැබෙනු ඇත.

ඉහළ කාර්යක්ෂමතාවය - ස්වයංක්‍රීයව මුදල් අයකිරීම් සිදු කිරීම හරහා වඩා කාර්යක්ෂමබවක් ළඟා කර ගැනීමට හැකියාව ඇත. එමගින් මානුෂීය වැරදීම් මගහැරීමටද හේතු වෙනු ඇත.

පාරිභෝගිකයන්ට ඇති පහසුව - ඔබේ ව්‍යාපාරය හා සම්බන්ධිත පාරිභෝගිකයන්ට, ඍජු හර ගෙවීම් (Direct Debit), ගෙවීම් ක්‍රමවේදයක් ලෙසට හඳුන්වා දීම පාරිභෝගික තෘප්තිය සහ විශ්වාසය ඉහළ දමන ප්‍රධාන සාධක වේ.

ලාබදායී බව - එක් ගනුදෙනුවකට රුපියල් 50ක උපරිම ගාස්තුවක් වැයවීම නිසා, අමතර ගාස්තු ගෙවමින් කලින් කලට මුදල් අය කිරීමේ වියදම් අධික ක්‍රමවේදයට සමු දිය හැක.

මූල්‍ය ආයතන සමගින් සබඳතා ඉහළ නැංවීම - මෙම ක්‍රමය ඔබේ අයකිරීම් ඉහළ නංවාගන්නා ගැනීමට සහය වන අතර, මූල්‍ය ආයතනය සමග ඇති සබඳතාවයද ඉහළ නංවා ගැනීමට හැකි වනු ඇත.

නවතම සහ යාවත්කාලීන තොරතුරු ලබා ගැනීමට අපව සබ්ස්ක්‍රයිබ් කරන්න.

නවතම ප්‍රවණතා, රෙගුලාසි සහ නිෂ්පාදන විස්තර සෘජුවම ඔබගේ විද්‍යුත් තැපෑල වෙත ගෙන්වා ගන්න LankaPay Newsletter වෙත සබ්ස්ක්‍රයිබ් කරන්න.

LankaPay මෙරට මූල්‍ය අංශය සඳහා ගෙවීම් යටිතල පහසුකම් සපයන ශ්‍රී ලංකාවේ ජාතික ගෙවීම් ජාලයයි. ව්‍යාපාර සහ පුද්ගලයින් සවිබල ගැන්වීමේ අරමුණ සහිතව හඳුන්වා දුන් සැමට පහසුවෙන් පිවිසිය හැකි, වේගවත්, පහසු සහ ආරක්ෂිත ගෙවීම් ක්‍රමයකි.

මුල් පිටුව

LankaPay ඔබ වෙනුවෙන්

LankaPay ව්‍යාපාර වෙනුවෙන්

LankaPay මූල්‍ය අංශය වෙනුවෙන්

නවතම පුවත් සහ සිදුවීම්

බ්ලොග්

අප ගැන

අපගේ අධ්‍යක්ෂක මණ්ඩලය

අපගේ නායකත්වය

අපගේ කළමනාකාරීත්වය

දේශසීමා වලින් ඔබ්බට අපේ ගමන් මග

අපගේ ආයතනික වටපිටාව