මූල්‍ය ආයතන සඳහා ඇති වාසි

• ගෝලීය පිළිගැනීම: දැනට, LankaPay කාඩ්පත ලොව පුරා JCB ජාලයේ ස්වයංක්‍රීය ටෙලර් යන්ත්‍ර (ATM) සහ වෙළෙන්දන් විසින් පිළිගනු ලැබේ. මෙම ගෝලීය පිළිගැනීම මගින් JCB කාඩ්පත් බහුලව පවතින රටවල් ඇතුළුව ලෝකයේ විවිධ ප්‍රදේශවලින් පැමිණෙන ගනුදෙනුකරුවන්ට සේවා සැපයීමට ව්‍යාපාරවලට හැකි බව තහවුරු කරයි.
• EMV සක්‍රීය කර ඇත: EMV සක්‍රීය කර ඇති LankaPay කාඩ්පත, EMVCo විසින් සකසා ඇති ඉහළම ජාත්‍යන්තර තාක්ෂණික ප්‍රමිතීන්ට අනුගත වේ. මෙමඟින් ව්‍යාපාර හා පාරිභෝගික යන දෙඅංශයේම ගනුදෙනු, වංචාවන් හා අනවසර භාවිතා කිරීම්වලින් සිදුවන අවධානම අඩු කර ආරක්ෂිත කරයි.
• වැඩිදියුණු කළ පාරිභෝගික අත්දැකීම: JCB International Co, Ltd සමඟ ඇති හවුල්කාරිත්වය කාඩ්පත් හිමියන් සඳහා ජාත්‍යන්තර සේවා සහ ප්‍රවර්ධන මාලාවක් විවෘත කරයි. මෙය ගනුදෙනුකරුවන් සඳහා ගෙවීම් අත්දැකීම වඩාත් පහසු කරනවා පමණක් නොව, විශේෂයෙන්ම සංචාරක අංශයේ වෙළෙන්දන් සඳහා වැඩි ව්‍යාපාර ආකර්ෂණයක් ඇති කරයි.
• ජාතික ගෙවීම් ජාලයට දායකත්වය: LankaPay කාඩ්පත සමග සම්බන්ධ වීමෙන්, ව්‍යාපාර ශ්‍රී ලංකාවේ ජාතික ගෙවීම් ජාලය දියුණු කිරීමට දායක වේ. මෙය මුදල් රහිත සමාජයක් කරා ගමන් කිරීමට රට දරන උත්සාහය සදහා බලපාන අතර ඩිජිටල් ගෙවීම් විසඳුම් භාවිතය ප්‍රවර්ධනය කරයි.