திரு. சி.பி.எஸ். பண்டார

பணிப்பாளர்

திரு. பண்டார, இலங்கை மத்திய வங்கியில் (CBSL) விலை நிலைத்தன்மை, நிதி முறைமை நிலைத்தன்மை, நிறுவன சேவைகள், முகவர் செயல்பாடுகள்,வர்த்தக தொடர்ச்சி திட்டமிடல், நிறுவனம் முழுவதுமான இடர் முகாமைத்துவம் மற்றும் மூலோபாயத் திட்டமிடல் போன்ற துறைகளில் அவர் 28 ஆண்டுகளுக்கும் மேற்பட்ட அனுபவத்தைக்கொண்டுள்ளார்.

அவர் தற்போது CBSL இன் உதவி ஆளுநராகப் பணியாற்றி வருகிறார்.அத்துடன் கட்டணங்கள் மற்றும் தீர்வுகள், வெளிநாட்டு பணப்பரிமாற்றம், வைப்புக்காப்புறுதி மற்றும் தீர்வு, இடர் முகாமைத்துவம் மற்றும் இணக்கம், மற்றும் சேவைகள் ஆகிய திணைக்களங்களை அவர் மேற்பார்வை செய்து வருகிறார். அத்துடன், வர்த்தகத் தொடர்ச்சித் திட்டமிடல் (BCP) குழுவின் தலைவராகவும், BCP ஒருங்கிணைப்பாளராகவும் செயல்படுகிறார். ஊழியர் சேமலாப நிதி (EPF) முதலீட்டு மேற்பார்வைக் குழு, நிதியியல் முறைமை நிலைத்தன்மைக் குழு, நிதி இடர் முகாமைத்துவக் குழு, நிதி சாரா இடர் முகாமைத்துவக் குழு, தகவல் தொழில்நுட்ப மேற்பார்வைக் குழு, தேசிய கட்டணப்பேரவை ஆகியவற்றின் உறுப்பினராகவும், மேலதிகமாக சபை இடர் மேற்பார்வைக் குழுவின் உறுப்பினராகவும் கடமையாற்றுகிறார்.

மேலும், அவர் பாதுகாக்கப்பட்ட பரிவர்த்தனைகள் அதிகாரசபையின் (Secured Transactions Authority) சபைத் தலைவராகவும், தேசிய சான்றிதழ் அதிகாரசபையின் (NCA) பணிக்குழுவின் இணைத் தலைவராகவும், மற்றும் தேசிய தீர்வகமான LankaPay (Pvt.) Ltd. நிறுவனத்தின் சபையிலும் அதன் துணைக் குழுக்களிலும் உறுப்பினராகவும் பணியாற்றுகிறார்.

அவர் இதற்கு முன்னதாக, தகவல் தொழில்நுட்பம், வங்கி அல்லாத நிதி நிறுவனங்களின் மேற்பார்வை, ஊழியர் சேமலாப நிதி (EPF), கொள்கை மதிப்பாய்வு மற்றும் கண்காணிப்புத்திணைக்களங்கள் ஆகியவற்றிற்கு பொறுப்பான உதவி ஆளுநராகவும் பணியாற்றியுள்ளார். மேலும், இடர் முகாமைத்துவம், கொள்கை மதிப்பாய்வு மற்றும் கண்காணிப்பு துறைகளின் பணிப்பாளராகவும் கட்டணங்கள் மற்றும் தீர்வுகள், அரசாங்கக் கடன்திணைக்களங்களின் மேலதிகப்பணிப்பாளர் /மேலதிக மேற்பார்வையாளராகவும் சேவையாற்றியுள்ளார்.

அவர் இலங்கை கணினி அவசரத் தயார்நிலைகுழுவின் (Sri Lanka CERT) சபை உறுப்பினராகவும், இலங்கை தகவல் மற்றும் தொடர்பாடல் தொழில்நுட்ப நிறுவனம் (ICTA) அமைத்த தொழில்துறைஅபிவிருத்தி மூலோபாயப் பிரிவின் வழிகாட்டுதல் குழு உறுப்பினராகவும் நியமிக்கப்பட்டார். மேலும், பொதுக் கல்வி, உயர் கல்வி மற்றும் தொழில்முறை/தொழில்பயிற்சிக் கல்விக்கான கல்வி மாற்றங்களை உருவாக்குவதற்காக கல்வி அமைச்சு நிறுவிய தேசிய கல்வி மாற்ற வழிகாட்டுதல் குழுவில் CBSL இன் பிரதிநிதியாகவும் பணியாற்றினார்.

அவர் இறையாண்மைக்கடன் மதிப்பீட்டுக்குழுவின் செயலாளராகவும் , இலங்கை அரசாங்கத்தின் சர்வதேச இறையாண்மைக் கடனீட்டுப் பத்திர வெளியீடுகளுக்கான வழிகாட்டுதல் குழு உறுப்பினராகவும் , கட்டண சீர்திருத்த வழிகாட்டுதல் குழுவின் செயலாளராகவும், சபை இடர் மேற்பார்வைக் குழுவின் உதவி செயலாளராகவும், நிதி சாரா இடர் முகாமைத்துவக் குழுவின் செயலாளராகவும் பணியாற்றியுள்ளார். மேலதிகமாக, நாணயச்சபை ஆலோசனை கணக்காய்வுக் குழு, வர்த்தகத் தொடர்ச்சி திட்டமிடல் குழு, சர்வதேச ஒதுக்கீடுகள் முதலீட்டு மேற்பார்வைக் குழு, உள்ளக முதலீட்டு மேற்பார்வைக் குழு மற்றும் நிதியியல் முறைமை நிலைத்தன்மைக் குழு ஆகியவற்றின் கண்காணிப்பாளராகவும் செயல்பட்டார்.

நாட்டின் நிதி சந்தை உட்கட்டமைப்பை வலுப்படுத்த தேசிய அளவிலான திட்டங்களை நடைமுறைப்படுத்துவதற்காக அமைச்சரவை நியமித்த பல குழுக்களில் அவர் உறுப்பினராக பணியாற்றியுள்ளார். மேலும், இலங்கை வங்கியாளர்கள் நிறுவனத்தின் பிரதம பரிசோதகராகவும் சேவையாற்றியுள்ளார்.

CBSL, உரிமம் பெற்ற வர்த்தக வங்கிகள் மற்றும் பிரதான வர்த்தகர்களை இணைக்கும் முதலாவது இணையத்தள தொடர்பு வலையமைப்பை உருவாக்குவதிலும், இலங்கை நிதிச் சேவைகள் பணியகத்தை நிறுவுவதிலும் அவர் முக்கிய பங்கு வகித்தார். மேலும் அவர் அரசாங்கப் பத்திரங்களின் முதன்மை ஏலங்களுக்கு இலத்திரனியல் ஏலம் முறைமை, திறந்த சந்தை செயல்பாடுகளுக்கான தீர்வை முறைமை,CBSL இன் இணையத்தள நிதி சந்தை கண்காணிப்பு மற்றும் ஒழுங்காற்றுமுறை அறிக்கை முறைமைகளை வடிவமைத்து உருவாக்கியுள்ளார்.மேலும், நாட்டின் தேசிய கட்டணங்கள் மற்றும் பிணையங்களுக்கான தீர்வை (securities settlement) அமைப்பு உட்கட்டமைப்பை செயல்படுத்துவதிலும் அவர் முக்கிய பங்காற்றினார்.

அவர் அவுஸ்திரேலியாவின் Charles Sturt பல்கலைக்கழகத்தில் தகவல் தொழில்நுட்பத்தில் அறிவியல் முதுநிலைப் பட்டம் (Master of Science), Monash பல்கலைக்கழகத்தில் கணினி அறிவியலில் தொழில்நுட்ப இளங்கலைப் பட்டம் (Bachelor of Technology) மற்றும் மத்திய வங்கியியல் டிப்ளோமா ஆகியவற்றைப் பெற்றுள்ளார். அவர் இலங்கை கணினி சங்கத்தின் (Computer Society of Sri Lanka) உறுப்பினருமானவர்.