1.தகவலறிவதற்கான கோரிக்கையை வாய்மொழியாகவோ அல்லது எழுத்து மூலமாகவோ முன்வைத்த பிறகு, தகவல் அலுவலரிடம் இருந்து எழுத்து மூல ஒப்புதலை பெற வேண்டும்.

2.தகவல் வழங்கப்படுமா அல்லது கோரிக்கை நிராகரிக்கப்படுமா என்பதை அதிக பட்சம் 14 நாட்களுக்குள் முடிவு செய்து விண்ணப்பதாரிக்கு தெரிவிக்கப்பட வேண்டும்.

3.தகவல் வழங்குவதற்கான தீர்மானம் எடுக்கப்பட்டிருந்தால், தகவல் அலுவலர், தகவலறியும் உரிமை ஆணையத்தால் பரிந்துரைக்கப்பட்ட கட்டண அட்டவணையின் அடிப்படையில் கட்டணம் செலுத்திய பின் தகவல் வழங்கப்படும் என்பதை விண்ணப்பதாரிக்கு அறிவிக்க வேண்டும். கட்டணம் செலுத்திய 14 நாட்களுக்குள் தகவல் வழங்கப்பட வேண்டும்.

4.கட்டணம் செலுத்திய பின் 14 நாட்களுக்குள் தகவல் வழங்க முடியாவிட்டால், அதிகபட்சம் 21 நாட்கள் வரை காலவரை நீட்டிப்பு அவகாசம் தேவைப்படுகின்றது என்பதை உரிய காரணங்களுடன் விண்ணப்பதாரிக்குத் தெரிவிக்க வேண்டும்.

5.கோரிக்கை விண்ணப்பதாரியின் தனிப்பட்ட சுதந்திரம் மற்றும் வாழ்க்கைத் தொடர்புடையதாக இருந்தால், தகவல் அலுவலர் 48 மணி நேரத்திற்குள் பதிலை வழங்க வேண்டும்.

6.பின்வரும் சந்தர்ப்பங்களில் குறித்த கோரிக்கையை முன்வைக்கும் குடிமகனால் மேல்முறையீடு செய்ய முடியும்,

• தகவல் அலுவலர் தகவலறிவதற்கான விண்ணப்பத்தை நிராகரித்தால்.
• தகவலறியும் கோரிக்கையை நிராகரித்த தகவல் அலுவலர், கோரிக்கையை மறுத்ததற்காக பிரிவு 5 இன் கீழ் விளக்கமறியலில் வைக்கப்படலாம்.
• சட்டத்தினால் முன்வைக்கப்பட்ட குறித்த காலவரையறைக்கு இணங்காவிட்டால்.
• தகவல் அலுவலர், நிறைவற்ற, தவறான அல்லது பொய்யான தகவலை வழங்கினால்
• தகவல் அலுவலர் அதிக கட்டணங்களை வசூலித்தால்
• தகவல் அலுவலர் விண்ணப்பதாரியினால் கோரப்பட்ட குறித்த படிவத்தில் தகவலை தர மறுத்தால்
• கோரப்பட்ட தகவல் சிதைக்கப்பட்டுள்ளது, அழிக்கப்பட்டுள்ளது அல்லது அவன்/அவளுக்கு தகவலை வழங்க மறுத்தல் நிமித்தம் காணாமல் போயுள்ளது என நம்புவதற்கு நியாயமான காரணங்கள் இருந்தால்
• விண்ணப்பதாரி நியமிக்கப்பட்ட அதிகாரியிடம் 14 நாட்களுக்குள்மேன்முறையீடு செய்யவேண்டும்.