ලක්ෂ්මන් පල්ලියගුරුගේ

ප්‍රධාන පිරිස් නිලධාරී

පල්ලියගුරුගේ මහතා වසර 28කට වැඩි පුළුල් අත්දැකීම් සහිත සාර්ථක මානව සම්පත් හා සංවිධාන සංවර්ධන වෘත්තිකයෙකි. වර්තමානයේ ඔහු LankaPay (පුද්ගලික) සමාගමේ ප්‍රධාන ප්‍රධාන පිරිස් නිලධාරී ලෙස සේවය කරයි. ඵලදායී පුද්ගල සංවර්ධන උපායමාර්ග ක්‍රියාත්මක කිරීම තුළින් සාර්ථක ආයතනික සංවර්දනය ඉහළ නැංවීමේ සනාථ කළ වාර්තාවක් ඔහු සතුව ඇත. තම වෘත්තීය ජීවිතය පුරා, සමාගම් තුළ කාර්ය සාධන විශිෂ්ටත්ව සංස්කෘතියක් ඇති කිරීමේදී මානව සම්පත් හා ආයතනික සංවර්ධනය සතු තීරණාත්මක කාර්යභාරය පිළිබඳව පල්ලියගුරුගේ මහතා අගනා අවබෝධයක් සහ පළපුරුද්දක් ලබාගෙන ඇත.

ඔහුගේ වෘත්තීය පසුබිමට ඉලෙක්ට්‍රොනික OEM, BPO, තාක්ෂණය සහ මූල්‍ය සේවා ඇතුළු විවිධ කර්මාන්තවල සේවා දායකත්වයන් ඇතුළත් වේ. මෙම එක් එක් අංශයන්හි, පල්ලියගුරුගේ මහතා සමස්ත මානව සම්පත් හා ආයතනික සංවර්ධන කටයුතු වැඩිදියුණු කිරීම අරමුණු කරගත් සාර්ථක කටයුතු මෙහෙයවා ඇත.

පල්ලියගුරුගේ මහතා ශ්‍රී ජයවර්ධනපුර විශ්වවිද්‍යාලයෙන් ව්‍යාපාර පරිපාලනය පිළිබඳ විද්‍යාවේදී උපාධියක් සහ කොළඹ විශ්වවිද්‍යාලයෙන් මානව සම්පත් කළමනාකරණය පිළිබඳ ශාස්ත්‍රපති උපාධියක් ලබා ඇත. තවද ඔහු කොළඹ විශ්වවිද්‍යාලයෙන් මානව සම්පත් කළමනාකරණය පිළිබඳ පශ්චාත් උපාධි ඩිප්ලෝමාවක්ද ලබා ඇත. LankaPay සමග සම්බන්ධ වීමට පෙර, පල්ලියගුරුගේ මහතා Innodata Lanka (පුද්ගලික) සමාගමේ සාමාන්‍යාධිකාරී ලෙස සේවය කර ඇත.

විවිධ කර්මාන්තවල ක්‍රියාත්මක වන ගතික ස්වභාවය පිළිබඳ ගැඹුරු අවබෝධයක් ඔහු සතු අතර ආයතනික අවශ්‍යතා සපුරාලීම සඳහා ඒ අනුව තම උපායමාර්ග සකස් කිරීමට ඔහුට හැකියාව ඇත. පල්ලියගුරුගේ මහතාගේ ප්‍රවේශයේ එක් ප්‍රධාන අංගයක් වන්නේ ධනාත්මක ආයතනික සංස්කෘතියක් නිර්මාණය කිරීම කෙරෙහි ඔහු දක්වන අවධානයයි. ව්‍යාපාරික සාර්ථකත්වය ඉහළ නැංවීම සඳහා කැපවූ හා අභිප්‍රේරණය වූ සේවකයින්ගේ සැබෑ දායකත්වය තීරණාත්මක බව ඔහු අවබෝධ කරගෙන සිටින අතර ආයතනය තුළ සහයෝගීතාවයෙන් හා අන්යෝන්ය අවබෝධයෙන් යුත් පරිසරයක් ගොඩනැගීම සඳහා කටයුතු කරයි.