කලණ සේනාරත්න

ප්‍රධාන මානව සම්පත් නිලධාරි

සේනාරත්න මහතා විවිධ ආයතනික හා කර්මාන්ත ක්ෂේත්‍රවල මානව සම්පත් උපායමාර්ග සැලසුම් කිරීම හා සාර්ථකව ක්‍රියාත්මක කිරීම, ආයතනික පරිවර්තන ක්‍රියාවලින් සදහා නායකත්වය ලබාදීම සහ නායකත්ව විශිෂ්ටත්වය වර්ධනය කිරීම යන ක්ෂේත්‍රයන් හි වසර 25කට අධික දීර්ඝ පළපුරුද්දක් හිමි ජ්‍යෙෂ්ඨ මානව සම්පත් කළමනාකරණ වෘත්තිකයෙකි.

අධ්‍යක්ෂ – මානව සම්පත්, සමූහ ප්‍රධාන මානව සම්පත් නිලධාරී, උප සභාපති – මානව සම්පත් සහ මානව සම්පත් අංශ ප්‍රධානි ඇතුළු ජ්‍යෙෂ්ඨ නායකත්ව භූමිකාවන්හි වසර 17කට අධික පළපුරුද්දක් ලබා ඇති ඔහු, අධ්‍යක්ෂ මණ්ඩලය සහ විධායක නායකත්ව කණ්ඩායම් සමඟ සමීප සහයෝගයෙන් කටයුතු කරමින් ආයතනික අරමුණු සාක්ෂාත් කිරීම උදෙසා පුරෝගාමී දායකත්වයක් ලබාදී ඇත.

තොරතුරු තාක්ෂණය, FMCG, FMCD, NBFS, දේපළ හා දේපළ වෙළඳාම්, මෝටර් රථ, වැවිලි, පාන වර්ග, ඉදිකිරීම් සහ නිෂ්පාදන ඇතුළු විවිධ ව්‍යාපාර ක්ෂේත්‍රයන්හි සේවය කර ඇති ඔහු, මානව සම්පත් ක්‍රියාවලි පරිවර්තනය, මානව සම්පත් පද්ධති සංවර්ධනය සහ ස්වයංක්‍රිය කරණය, කුසලතා කළමනාකරණය, අනුප්‍රාප්තික සැලසුම්කරණය සහ ආයතනික සංස්කෘතිය මත පදනම් වූ කාර්ය සාධන කළමනාකරණ පද්ධති ක්‍රියාත්මක කිරීම පිළිබඳ විශේෂඥතාවයක් දක්වයි.

මානව සම්පත් කළමනාකරණය වෘත්තීය ක්ෂේත්‍රයට ලබාදුන් සුවිශේෂී දායකත්වයන් වෙනුවෙන් දේශීය සහ ජාත්‍යන්තර ආයතන මගින් පිරිනමන මානව සම්පත් සම්මාන පහක් ලබාගත් ඔහු, උපායමාර්ගික නායකයෙකු සහ පරිවර්තන සැලසුම්කරුවෙකු ලෙස කීර්තිමත්ය. ඔහු කළමනාකරණය පිළිබඳ පශ්චාත් උපාධියක් සහ මානව සම්පත් කළමනාකරණ විෂය ක්ෂේත්‍රයේ විශේෂ ගෞරව උපාධියක් හිමි වන අතර, ශ්‍රී ලංකා වරලත් පිරිස් කළමනාකරණ ආයතනයේ වරලත් සාමාජිකයෙකු වේ. තවද, කම්කරු සබඳතා හා මානව සම්පත් සංවර්ධනය පිළිබඳ පශ්චාත් උපාධි ඩිප්ලෝමා දිත්වයක්ද තම වෘත්තීය ජීවිතයතුල දී සම්පූර්ණ කර ඇත.